Desa Bengkala

Manut saking Dudonan Upacara ring Wewidangan Desa Adat Bengkala Icaka 1948 warsa Masehi 2026 lan Hasil Paruman Prajuru Desa Adat Bengkala sareng Lembaga Desa Adat Bengkala (Jro Mangku Desa, Jro Made Desa, Sarati Banten Desa, Prajuru Yowana, Kelian Pecalang, Kelian Sekeha Gong Gede, lan Perwakilan Sekeha Santi) daweg rahina dibi Sukra Paing Wuku Sinta 10 April 2026 ring Jaba Tengah Pura Bale Agung Desa Adat Bengkala, puniki keuningayang indik pengerencana Pemargi Upacara Nyayutin/Piodalan Alit ring Pura Dalem Desa Adat Bengkala lan Rerahinan Tumpek Landep (Piodalan Alit) ring Pura Pasupati Pengayom Jagat Desa Adat Bengkala;

1. UPACARA NYAYUTIN/PIODALAN ALIT (TILEM KEDASA) RING PURA DALEM DESA ADAT BENGKALA

Sukra Wage Wuku Landep, 17 April 2026

- Krama Ngaturang Bakti Soda ring Pura Kumpi jagi kemargiang sawetara Jam 06.30 WITA;

- Sangkepan Krama Desa Melinggih jagi kemargiang sawetara Jam 08.00 WITA;

- Metata Lungguh sinambi Parikrama Meprayascita jagi kemargiang sawetara Jam 09.00 WITA;

- Dane Jro Mangku Desa lan Jro Made Desa Ngaturang Bakti Desa jagi kemargiang sawetara Jam 11.00 WITA;

- Sesolahan Ilen-ilen Sakral jagi kemargiang sawetara jam 11.30 WITA;

- Persembahyangan Umum sepisanan Ngaturang Aturan Galih Krama jagi kemargiang sawetara Jam 12.00 WITA; ngelantur sane kaping untat-

- Ngaturang Bakti Pedian Krama jagi kemargiang sawetara Jam 13.00 WITA nyantos Puput

2. RERAHINAN TUMPEK LANDEP (PIODALAN ALIT) RING PURA PASUPATI PENGAYOM JAGAT DESA ADAT BENGKALA

Saniscara Kliwon Wuku Landep, 18 April 2026

- Dudonan Upacara jagi kekawitin sawetara Jam 08.00 WITA nyantos Puput

Inggih wantah asapunika atur piuning saking Prajuru Desa Adat Bengkala. Antuk ulatian Ida dane sinareng sami ten lali keaturang paramania dahating Suksma.

"Om Shanti, Shanti, Shanti Om"